منتدي شباب النيل

منتدي شباب النيل يرحب بكم
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 مذكرات قلم.......(حاجه تموت من الضحك).......قلم بيحكى قصة حي

اذهب الى الأسفل 
كاتب الموضوعرسالة
samysalem
samysalem
samysalem


ذكر
عدد الرسائل : 162
العمر : 30
Localisation : المنصوره
Emploi : الحقوق
Loisirs : الصداقه والسفر
تاريخ التسجيل : 23/05/2007

مُساهمةموضوع: مذكرات قلم.......(حاجه تموت من الضحك).......قلم بيحكى قصة حي   الإثنين مارس 24, 2008 10:49 pm

هذه مذكرات قلم يملكه شخص ما ... وهذا الشخص بالطبع يكتب ... ولكن من هو؟وماذا سيكتب؟؟هذا ماسنراه معا ..





"الروايه على لسان القلم"




*فى ذلك اليوم اشترانى هذا الرجل الذى لم أكن أدرك من هو الى أن مرت بضعة أيام لنا معا ... بعدما اشترانى مباشرة وضعنى بداخل درج صغير وتركنى وعندها أدركت معنى الراحه الى أن جاء ذلك اليوم الذى زاره فيه ذلك الرجل الآخر...

"أهلا..ازيك يا (سيكا)؟" كانت هذه بالطبع من الزائر الذى أضاف بعد أن حياه سيكا :
"عاوزينك تألف لينا غنوتين على مزاجك"

عندها فقط أدركت من هو (سيكا) ... انه امام سيكا مؤ لف الأغانى الذى لابد أنه معروف.

رد (سيكا) بصوتهالأجش قائلا: "عينيا ... ولو ألحنهم بالمره ... تحت أمرك بس كله بحسابه"

هز الزائر رأسه بما معناه أن هذه الأشياء مفهومه ثم قال :"بس بسرعه وحياة أبوك"

وهنا تسائل (سيكا):"هو مين اللى هيغنيهم علشان أعمل حسابى؟"

يرد الزائر قائلا:"ممكن (سوسى سمير)......وممكن (ناظم الساهر)."

فيقول (سيكا):" أنا أقترح (ايهاب تلفيق) ..... ولو ماوافقش ممكن أغنيهم أنا."

يقول الزائر وهو يستعد للرحيل :"المهم ... هاخدهم امتى؟"

يرد (سيكا) :"النهارده العصريه ابقى فوت عليّا"

وبعد أن خرج الزائر بد أ (سيكا) فى البحث عنى حتى يكتب ما سيكتب... المهم انه ما ان وجدنى أخيرا حتى بدأ يخرف أو بعباره أخرى يؤلف...

وأخذ يدندن وهو يكتب قائلا :" ياحبيبى ... هفضل أحبك بره وجوه ... حب حقيقى مش حب أخوه ... تبقى قدامى ازاى وأسيبك ... مش راح أسيبك ولو بالقوه ... "

ثم أضاف محدثا نفسه قائلا : "يا سلام ... حاجه جميله قوى .. لأ وايه متفصله على (ناظم)"

ثم بدأ يكتب فى الأغنيه الثانيه ...

" كل ما قوللك تعالى .. تقوللى آجى فين؟ ... ما الدنيا واسعه ياروحى ... ولا انت مش بعنين ... بعنين ... بعنين ... ما الكراسى فاضيه والأرض كمان واسعه ... أجيب كراسى تانيه؟؟!!! ... أجيب ياحبيبى منين؟"

وقال وهو يتأمل ما كتبه :"يا سلام على العبقريه ... تقولش (صلاح جاهين) ... دى ميغنيهاش الا (سوسى سمير)"

وهكذا . وبعد ان انتهى من تأليف الأغنيتين تمدد (سيكا) على الأريكه وأخذ يغط –على سبيل الرياضه—بانتظار المنتج.

وفى تمام العصريه – ولا أدرى ما هى العصريه ولكن يبدو أن المنتج دقيق فى مواعيده- حضر المتنج...

"ايه الأخبار؟" كانت هذه من المنتج الذى أضاف :" خلصت الغنوتين؟"

رد (سيكا) بفخر وهو يلوح بالورقه وبى :"طبعا ... انت فاكر ايه؟"

"خد الأولنيه علشان (ناظم) ... هيا قصيره شويه بس ممكن نطولها بشوية آهات من بتاعته ... والتانيه بقى متفصله على (سوسى)"

أخذ المنتج يقرأ ... ثم قال وقد انعقد حاجباه


7


7



"ايه القرف ده؟....."




واستطرد قائلا:



7




"الكلام ده كبير قوى ... عاوزين حاجه هايفه شويتين"




ثم أضاف :



"هفوت عليك بالليل ... سامع .. عاوز حاجه هايفه ... احنا عاوزين ناكل عيش..."

_________________
ليه كل حاجه حلوة عمرها قصير ليه كل شيء في عيونا ديما بيتغير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.samysalem.piczo.com
 
مذكرات قلم.......(حاجه تموت من الضحك).......قلم بيحكى قصة حي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب النيل :: منتديات اجتماعيه :: منتدي النكت-
انتقل الى: