منتدي شباب النيل

منتدي شباب النيل يرحب بكم
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 جوايا ليكى يا امى كلام ............

اذهب الى الأسفل 
كاتب الموضوعرسالة
bebo_beb
زائر



مُساهمةموضوع: جوايا ليكى يا امى كلام ............   الأحد مايو 27, 2007 2:59 pm

جوايا ليكى يا امى كلام ......

مليان اهات ...مليان حنان....مليان باللهفة لحضنك ....

و ساعات ......مليان دموع

عشانك اتعلم لسانى معنى الكلام.......و عشانك اتعلم قلبى يعنى ايه حب وحنان.....

ليكى هعيش العمر ....احاول اعرف منك ..كل معانى الحنان

احاول اسمع منك وصف كلمة ام....اللى فيها كل معنى للامان

احاول اعرف منك يعنى ايه حب ...يا اعظم و اغلى مدرسة للحب

يا ادفى حضن ..بيضم روحى ف كل لحظة و كل حين ...

مهما عملت ...بتحبينى ...مهما قسيت بتودينى ...ومهما بعدت
بحبك ليا ... بتقربينى ...

يا اول حضن عاشه كيانى ....و اعظم بسمة شافتها عينى ...
و يا اغلى كلمة قالها لسانى .....

فداكى روحى ..فداكى دنيتى ....

فداكى كل حاجة ..قصادها ضحكتك ....فداكى الكون و ما فيه ...قصاد لحظة رضا من قلبك ...ترسمها بسمتك

بيكى عرفت يعنى ايه الحب....و بيكى يا امى عرفت معنى نبض القلب.....بحبك ليا عشت فرحتى ...بضمتك ليا عشت اغلى لحظات دنيتى ....

ليكى هاعيش العمر ...تحت رجليكى ...

كل ما فيا و ليا ليكى و فداكى .....يا اغلى من نبض قلبى ...و اقربلى من روحى ....

جوايا ليكى يا امى كلام ...

مليان دموع ..و كتيرة فيه الذكريات ...نفسى اوصف بيه ضحكتك ...نفسى اوصف بيه لمستك ....نفسى احكى حتى بهمستك...........


مش قادر ولا لاقى اى كلام ....


اعذرينى يا امى ...لا انا شاعر ولا انا فنان ...

ولا بعرف ارسم ولا احكى معنى حبك بالكلام


بس بحبك.....و كلى لهفة تحكى دموعى كل اللى بيا

و انا ف حضنك....

و حتى .......

صدقينى..... مش عارف اقول حتى اى كلام



بس لسه ......جوايا ليكى يا امى كلام


و الله المستعان .............و نكمل بعدين
الرجوع الى أعلى الصفحة اذهب الى الأسفل
 
جوايا ليكى يا امى كلام ............
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب النيل :: منتدي الحب-
انتقل الى: