منتدي شباب النيل

منتدي شباب النيل يرحب بكم
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 حب كلمة بنستعملهاكتير....................

اذهب الى الأسفل 
كاتب الموضوعرسالة
bebo_beb
زائر



مُساهمةموضوع: حب كلمة بنستعملهاكتير....................   الأحد مايو 27, 2007 3:02 pm

حب كلمة بنسمعها كتير وبنعرف معناها وبنعرف نقولها وبنقولها كتير ويمكن اكتر كلمة بنستخدمها بتعابيرنا حبيبي حبي بحبك يا حب وكله نفس المعنى انا بحب الكلمة دي لانها بتحمل معاني كبيرة معاني راقية معاني المفروض مافيش معاني بعدها تدخل القلب وتلامس الاحساس...الكلمة دي سمعتها وحستها لكن بطرق مختلفة وطبعا بترجع حسب الشخص الي قالهالي ممكن صديقة تقولك يا حبيبي ممكن امك ممكن اختك ممكن اخوك ممكن الحبيب وكل واحد من دول الكلمة بتطلع ليها احساس مختلف انا مش هتكلم عن الناس الي بتكدب بيها والي بتزيف معناها والي افقدت الكلمة دي لمعانيها السامية الراقية الكبيرة لالالا انا حبيت اتكلم عن معنى الكلمة وبس او بمعنى اصح معنى الكلمة الايجابي .انا اتمنى ان كل الناس تستعمل الكلمة دي بوقتها يعني مش معقولة ادخل بيت الصبح واقولهم تصبحو على خير اكيد لازم اقوم صباح الخير وبالتالي كلمة صباح الخير كلمة غير مزيفة وبتستعمل بوقتها المناسب الطبيعي يا ريت كلمة حب تتقال بوقتها ساعتها هتحس بمعناها وبقيمتها وبانها احلى كلمة في الوجود والكلمة دي مش بتكرارها لا ممكن تتقال مرة كل فين وفين وتتحس احسن مليون مرة من انها تتقال وما تتحس وغالبا في ايامنا دي للاسف مش بتتحس حتى لما تتقال بصدق مش بنصدقها لاننا اتعودنا اننا نسمعها كتير ومش في وقتها وكده نبقى بنظلم الشخص الي بيقولهالنا بصدق .انا لو اقدر اوقف محامي للكلمة دي هعملها وارفع قضية على كل من يسيء استخدامها لان بجد حتى ولو كلمة فهي بتتظلم والظلم صعب وخاصة للكلام لما يفقد معناه كلمة بغاية الجمال وروعة الاحاسيس نغير معناها ليه .على العموم انا ليا رجاء عندكم وابوس ايد كل واحد بيستخدم الكلمة دي يستخدمها بمعناها الصحيح وبجد لو الكلام فقد معناه او مصداقيته حياتنا كلها بقت مصطنعة ومن غير معاني وخالية من الصدق وكلنا بنحب نعيش حياتنا حقيقية بمعناها الحقيقي والكلمة دي ليها حياتها وارجوكم ادوها حقها ده انها تعيش بمعناها الطبيعي .والسلام عليكم ورحمة الله وبركاته
الرجوع الى أعلى الصفحة اذهب الى الأسفل
 
حب كلمة بنستعملهاكتير....................
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب النيل :: منتدي الحب-
انتقل الى: